Vetëm dy ditë pas dasmës së shumëpërfolur, moderatorja Fiori Dardha, duket se ka vendosur t’i rikthehet menjëherë punës. Të paktën urimi i mëngjesit i bërë sot në rrjetet sociale na bëri të dyshojmë për diçka të tillë.
Fiori Dardha ishte prej disa vitesh në bashkëjetesë me regjisorin dhe pedagogun e Akademisë së Arteve, Donard Hasani, nga e cila solli në jetë djalin e saj 5-vjeçar Abelin.
Dëshira e kahershme për t’u veshur me të bardha, ishte gjithashtu një dëshirë e Abelit, për të qenë bashkëshoqërues i “princeshës” së tij në ditën e saj më të lumtur.
Ceremonia martesore, që përkoi dhe me ditëlindjen e saj, u zhvillua ketë fundjavë në një prej restoranteve të kryeqytetit dhe mblodhi emrat më të njohur të botës së medias, artit dhe shumë dashamirës të çiftit të ri.
