Jessie J ka ndarë së fundmi në Instagramin e saj disa imazhe me barkun e rrumbullakosur. Qëllimi i këtij postimi sipas këngëtares është që ta kujtojë gjithmonë këtë ndjenjë të mrekullueshme.
Mirëpo disa nga fotot nuk u pritën mirë nga ndjekësit e saj të cilët duket se i kanë parë si “të papërshtatshme” për t’u postuar. Mirëpo edhe për këtë kategori artistja e ka një përgjigje: Ajo është shprehur se edhe kritikuesit i kanë zmadhuar këto foto për t’i parë.
View this post on Instagram
Kujtojmë që Jessie J është në pritje të fëmijës së parë, një vit pasi pësoi abort duke humbur foshnjën e saj. Ylli i popit e bëri me dije vetë lajmin e gëzueshëm më herët në janar të këtij viti.
Këngëtarja 34-vjeçare zbuloi në nëntor 2021 se kishte humbur foshnjën e saj. Pasi shkoi për konsultim, mjeku i tha se “zemra e foshnjës nuk rrihte më”.
“Vendosa të kem një fëmijë vetë”, shpjegoi ajo. “Sepse është gjithçka që kam dashur ndonjëherë dhe jeta është e shkurtër. Të mbetesha shtatzënë ishte një mrekulli në vetvete dhe një përvojë që nuk do ta harroj kurrë dhe e di që do ta kem përsëri.”
Nëntorin e 2022, Jessie reflektoi sërish për humbjen e foshnjës së saj.
“Sot një vit më parë më thanë se fëmija im nuk kishte më rrahje zemre”, tha këngëtarja.
“Edhe pse mund ta tregoj historinë tani pa qarë, kam dhe ende po i zbuloj të gjitha gjërat pozitive që më dha përvoja.”
Në të kaluarën, ajo gjithashtu ka folur për betejat e saj për fertilitet dhe zbuloi gjatë një koncerti të vitit 2018 se mjekët i kishin thënë në moshën 26-vjeçare se mund të mos mund të kishte kurrë fëmijë.
