Jessie J ka ndarë me ndjekësit një moment të vështirë nga jeta e saj, vetëm pak ditë pasi zbuloi publikisht se është diagnostikuar me kancer të gjirit në fazë të hershme.
Në një video nga koncerti i saj në prill në “Ronnie Scott’s Jazz Club”, këngëtarja shihet duke performuar versione të thjeshtuara të këngëve të saj, ndërkohë që përdor humorin si mburojë përballë dhimbjes dhe frikës që po kalonte. Ajo kishte kryer pesë biopsi në gjoks pak para ngjitjes në skenë, por vendosi të mos anulonte koncertin, pavarësisht shqetësimeve fizike dhe emocionale.
Në rrëfimin e saj, Jessie pranoi se ndiente diskomfort të madh, por e ndjeu të domosdoshme që shfaqja të vazhdonte. Ajo vuri në dukje se ishte e tensionuar gjatë performancës, duke u përpjekur të mos zbulojë çfarë po ndodhte pas kuintave. “Qeshja dhe bëja shaka për të përballuar momentin,” pranoi ajo në një postim.
Këngëtarja theksoi se fjala kyçe është “hershëm”, duke u kapur fort pas këtij fakti, edhe pse e pranoi se kanceri, në çfarëdo forme, “është i tmerrshëm”. Ajo po kalon një seri analizash dhe kontrollesh që prej momentit të parë të dyshimeve.
Jessie J vazhdon të inspirojë fansat me transparencën dhe forcën e saj në përballje me një sfidë të tillë personale.
View this post on Instagram
