Pak para se çifti të festojë 10-vjetorin e martesës, aktorja Jessica Biel kujtoi mënyrën e papritur se si Justin Timberlake i propozoi asaj në vitin 2011.
“Ishte kaq e bukur dhe kaq e ëmbël dhe kaq e papritur. Nuk e kisha idenë se do të propozonte,” tha Biel gjatë emisionit “The Late Late Show” me James Corden. “Ne ishim në Montana dhe ishte në mes të dimrit, bora deri në bel”. Më pas siç kujtoi ajo, papritmas, ai ulet në gjunjë dhe thjesht zhytet në dëborë, dhe më pas e shikon dhe mban unazën në dorë që për Jessican ishte unaza më e bukur.
Prezantuesi më pas tha se ishte “e guximshme” që Timberlake të shkonte për ski me një unazë në xhep.
Në tetor, Biel dhe Timberlake, prindër të djemve Silas, 7 vjeç dhe Phineas, 21 muajsh, do të festojnë një dekadë martesë që kur u martuan në një ceremoni luksoze në Itali.
Biel ndau ndjenjat e saj për këtë moment- “Ndonjëherë ndihem sikur 10 vjet sapo kanë kaluar sa hap e mbyll sytë dhe herë të tjera ndihem sikur kjo është një sasi vërtet e konsiderueshme e jetës së dikujt. Unë thjesht ndihem shumë krenare për këtë.”
Aktorja shtoi se megjithëse ajo dhe Timberlake kanë pasur “ngritjet dhe uljet” e tyre si të gjithë, ajo është me të vërtetë krenare për këtë dhe shumë e lumtur.
Jessica Biel zbulon momentin e vecantë të propozimit nga Justin Timberlake
