Në një raport të publikuar së fundmi, Këshilli i Evropës ka dhënë alarmin se, aborti selektiv në bazë të gjinisë, po praktikohet gjithnjë e më shumë në vendin tonë.
Në raport thuhet se, vajzat shqiptare preferojnë abortin në momentin që e kuptojë se do të lindin vajzë.
KE thotë se ky selektim i abortit është i përhapur më shumë në vendet aziatike, por është bërë popullor sot në Evropë, veçanërisht në Shqipëri, Armeni, Azerbaixhan dhe Gjeorgji.
“Tradicionalisht familjet shqiptare kanë favorizuar djemtë ne krahasim me vajzat, për dy arsye kryesore: trashëgimia e emrit të familjes dhe perspektiva e djemve që rriten për t’u bërë shtylla e shtëpisë për të siguruar bukën”, citohet një raport i vitit 2005 nga Programi i Zhvillimit i Kombeve të Bashkuara (UNDP), raporton “lifesitenews.com”.
“Nuk ka statistika të sakta, por bazuar në sondazhet tona të bëra në klinikën më të madhe gjinekologjike në vend, vetëm në vitin 2010 ishin 470 aborte, shkaqet kryesore të të cilave ishin arsyet ekonomike, deformimet dhe gjinia e fetusit”, citohet të ketë thënë gjinekologia Rubena Moisiu.
