Jennifer Lopez po sjell një nga Hirushet më ikonike në ekranin e vogël. Të mërkurën u zbulua se JLo do të jetë producentja ekzekutive e një seriali të kufizuar të bazuar në Hirushen e “Rodgers & Hammerstein”, ndërsa krijuesja e “The Baby-Sitters Club”, Rachel Shukert do të përshtatë muzikalin dhe do të shërbejë si drejtuese e shfaqjes.
Hirushja e Rodgers & Hammerstein debutoi në CBS në vitin 1957 dhe është i vetmi muzikor i krijuar nga dyshja i cili publikohet në televizion. Me aktoren Julie Andrews, ai u shikua nga rreth 100 milionë njerëz dhe u konsiderua si audienca më e madhe ndonjëherë për një transmetim televiziv në atë kohë.
Filmi është rikrijuar dy herë, së pari në vitin 1965, me Lesley Ann Warren në rolin e Hirushes dhe Stuart Damon në rolin e princit.
Rikrijimi i dytë është ai i vitit 1997, ku ka luajtur aktorja Brandy Norwood në rolin e Hirushes dhe e ndjera Whitney Houston në rolin e Kumbarës së Zanave.
“Historia e Hirushes është po aq e përjetshme tani sa ishte dhe më parë”, tha presidenti i televizionit “Skydance”, Bill Bost.
“Kjo histori aspiruese e romancës, familjeve jokonvencionale dhe fuqisë befasuese të dëshirave, ka frymëzuar audiencën në mbarë botën për shekuj me radhë dhe ne jemi të emocionuar që po punojmë me Jennifer, Rachel, Concord dhe “The Rodgers & Hammerstein Organization” për të sjellë mendimin tonë të ri në ekran”, vazhdoi ai.
