Jennifer Lopez, Prince Royce dhe Pitbull, kanë publikuar videoklipin “Back it up”. Ajo që tërheq më shumë vëmendje në klip është normalisht J.Lo bombastike. Përvec formave fizike, lëvizjeve provokuese, Lopez me anë të klipeve përcjell modë dhe tendencë. Veshjet e këngëtares, janë shumë “in” të momentit. Ja se cfarë ka veshur Jennifer në klipin e saj:
Rrobat e banjos me ngjyrë portokalli të shoqëruara me një pelerinë e zezë të hedhur përsipër, syzet pasqyrë dhe një kapele gjigande, flasin shumë për trendet e këtij sezoni.
Në një tjetër skenë, shfaqet me një fustan të bardhë, me preçina, i shkurtër dhe i ngushtë qe i rri ngjit pas trupit, duke i nxjerr në pah format e kolme të këngëtares.
Ndryshe nga sezonet e tjera në këtë sezon veror, ashtu sikurse na tregon me veshjet e saj Jennifer Lopez, ngjyra e zeze është shumë në modë, kombinuar me aksesorë të florinjtë, kjo ngjyrë jo verore do të na shoqërojë pergjatë stinës së verës.
Videoklipin më i ri i Lopez “Back it up” deri më tani ka arritur në miliona klikime, duke vazhduar të rriten në cdo sekondë, edhe tani…
