Jennifer Lopez di si të fitojë pikët maksimale në trampolinë, madje edhe pa hyrë fare në ujë. 47-vjeçarja, nëna e dy fëmijëve magjeps në kopertinën e numrit të dhjetorit të revistës “Harper’s Bazaar”.
Në serinë e fotove të realizuara, Jennifer Lopez, ka ekspozuar edhe koleksionin e ri të këpucëve Giuseppe Zanotti. Në foton e parë të realizuar me bikini, JLo shfaqet shumë joshëse, ndërsa tregon asetet e saj.
Në intervistë ajo foli për kujtimet e saj që i lidh me modën: “Nëse ju dëgjoni një këngë nga një kohë e caktuar dhe thoni “Oh, Zoti!”, ju çon përsëri në atë periudhë të jetës suaj. Unë bëj të njëjtën gjë me gardërobën time. Hyj brenda saj dhe shoh një kapelë, ose një palë këpucë apo një pallto, dhe të them “Uau! Mbaj mend që e kisha veshur atë ditë që ndodhi kjo gjë, ose isha duke ecur nëpër rrugë, ose kam dëgjuar këtë apo mami më tha këtë, apo i dashuri im …”.
Duket se vajza e saj ka sensin e saj të modës: “Ajo e do modën. Ajo vishte këpucët e mia sapo nisi të ecte. Kush e di? Ndoshta mund të kemi një dizajnuese të vogël”.
Ajo foli për marrëdhënien dhe bashkëpunimin e saj me Giuseppe Zanotti-n: “Fillimisht e takova Giuseppe-n vite më parë dhe mbaj mend që kishte një shpirt të ëmbël. Erdhi në shtëpinë time. Supozohej që thjesht të takoheshim, por qëndroi për orë të tëra dhe folëm për modën. Ai ishte, “O Zot! Ti ke ato këpucët? Ata bënë vetëm 10 palë nga ato!”.
Janë 16 stile në koleksionin e Jennifer Lopez për Giuseppe, që do të jenë në dispozicion në janar. Përfshirë në to janë edhe çizmet e zbukuruara me kristale “Swarovski”.
Burimi: Daily Mail
