Këtë javë Jennifer Lopez u shkroi fansave të saj për të ndarë me ta rëndësinë e të fjeturit më shumë se shtatë orë. Kur ishte në të njëzetat, në vitet 90 dhe karriera e saj ishte në ngritje, puna e tepërt dhe gjumi jo i mirë e rrezikonin shëndetin e saj.
Lopez zbuloi sesi pushimi optimal ia ndryshoi jetën dhe se vetëm një pushim i mirë gjatë natës mund ta bëjë atë të duket një dekadë më e re. Në buletin, këngëtarja 52-vjeçare tha se çdo natë fle nga shtatë deri në nëntë orë, por që në vitet nëntëdhjetë nuk ishte kështu.
Ajo ka shkruar se kur ishte në të 20-at, ndihej e pamposhtur.
“Kishte një moment në jetën time ku flija vetëm tre deri në pesë orë në natë. Duhet të isha në xhirime gjatë gjithë ditës dhe në studio gjatë gjithë natës, bëja dhe xhirime videosh në fundjavë.”
Por JLo nisi të bënte ndryshime dhe të rregullonte rutinën e saj pasi një sulm i madh paniku e paralizoi atë.
“Isha ulur në një rimorkio dhe e gjithë puna dhe stresi që solli me vete, së bashku me gjumin e pamjaftueshëm për t’u rikuperuar mendërisht, më lodhi tej mase. Kalova nga ndjenja krejtësisht normale, në të menduarit për aktivitetet që duhej të bëja atë ditë dhe krejt papritur u ndjeva sikur nuk mund të lëvizja.”
JLo tha se ajo ishte plotësisht e ngrirë dhe e tmerruar sepse nuk dinte se çfarë po ndodhte me trupin e saj.
Menjëherë, roja e saj e sigurisë e çoi për tu vizituar tek një mjek. Ajo e pyeti nëse po e humbiste mendjen apo po çmendej pasi simptomat e saj fizike e tmerruan.
“Tani e di se ishte një sulm klasik paniku i shkaktuar nga lodhja, por as që e kisha dëgjuar kurrë këtë term në atë kohë.”
Mjeku që trajtoi Jennifer-in në atë kohë i dha asaj disa këshilla të shkëlqyera, ndonëse mund të duket qartë ato i ndryshuan jetën JLo. Mjeku i tha asaj se ajo kishte nevojë për 7 deri në 9 orë gjumë, shmangjen e kafeinës dhe stërvitje ditore. Atëherë ajo e kuptoi se sa të rënda mund të ishin pasojat e neglizhencës dhe se trupi dhe mendja kanë nevojë për pushim dhe gjumë për të qenë të shëndetshëm. Jennifer tha se “këtu filloi udhëtimi im drejt mirëqenies
