Një javë pas dasmës së saj të papritur në Las Vegas me Ben Affleck, Jennifer Lopez feston ditëlindjen. Tashmë, ajo po zgjeron edhe biznesin e saj me lançimin e JLo Body nga JLo Beauty, ku po feston me një foto nudo të saj.
“Ne tashmë kemi disa produkte të mahnitshme që synojnë forcimin e lëkurës, kështu që një produkt për trupin që trajtonte problematikat, ishte një hap i natyrshëm i rëndësishëm për ne,” i thotë Lopez PEOPLE për produktin debutues të linjës: JLo Body nga JLo Beauty Firm.
Lopez thotë se ky produkt është diçka që ajo ka menduar “tërë jetën e saj”, pasi është rritur duke parë luftën e nënës së saj me celulitin dhe duke u ndjerë e frustruar nga mungesa e zgjidhjeve. “Më kujtohet që ajo dëshironte që të kishte ndonjë formulë magjike që thjesht do ta zhdukte atë,” thotë ajo. “Dhe e vërteta është, ne e dimë që nuk ekziston.”
“Duke punuar me shkencëtarët, ne kemi zbuluar se me të vërtetë kjo linjë përmirëson pamjen e lëkurës,” thotë ajo. “Ne nuk po marrim thjesht një krem të rastësishëm dhe po e fusim emrin tim mbi të”, thotë ajo. “Me të vërtetë ia vlen dhe funksionon.”
Sipas Lopez, kujdesi për veten të çon në besim. “Ndihem më e sigurt kur jam duke fjetur, duke praktikuar hobit e mia dhe duke bërë rutinat e kujdesit të lëkurës, fitnesit dhe të ushqyerit. Kur jam jashtë ritmit, nuk jam vetvetja.”
