Sikur të mos mjaftonte shtëpia e tyre mbresëlënëse në New York për të na lënë pa frymë, Jennifer Lopez dhe Alex Rodriguez sapo kanë shtënë në dorë një tjetër folezë dashurie, kësaj radhe në bregdetin magjepsës të Malibu-së.
Bëhet fjalë për një vilë përrallore pak metra larg detit, me një hapësirë prej më shumë se 400 metrash katrorë, që i ka kushtuar çiftit 6.6 milionë dollarë.
Shtëpia e tyre e re 3-katëshe, e ndërtuar në 1949-ën, ka katër dhoma gjumi, një palestër dhe dhomë për joga, një sallë kinemaje, një dhomë sauna dhe një jacuzzi gjigante në verandë.
Por ajo çka duket më mbresëlënëse, është dhoma kryesore e gjumit, që përveçse ka një pamje të mrekullueshme të oqeanit Paqësor, ka dhe një gardërobë që çdookush do ta kishte zili!
Për më tepër, shihni fotot e mëposhtme.
