Thashethemet për një lidhje të re të yllit të muzikës Jennifer Lopez dhe sportistit Alex Rodriguez kanë rezultuar mëse të vërteta.
Këngëtarja dhe i dashuri i saj i ri janë fotografuar teksa niseshin për një fundjavë në ‘parajsë’. Ata janë nisur të premten në darkë për një udhëtim në Bahamas me jahtin privat të Alex.
Çifti ka kaluar disa ditë të këndshme në një vilë private, larg vëmendjes së njerëzve të zakonshëm dhe paparacëve. Burime për mediat e huaja bëjnë me dije se ata tashmë janë një çift por janë duke i marrë gjërat lehtë sepse ende nuk kanë vendosur, nëse do të jenë një çift në plot kuptimin e fjalës apo gjithçka do të mbetet tek flirti. Tani për tani ata janë duke e shijuar kohën bashkë.
