“E dini çfarë, ne po shkojmë shumë mirë”, tha Jennifer Garner gjatë emisionit “The Today Show”, lidhur me divorcin me Ben Affleck.
“Fëmijët janë shumë mirë. Ata do të zgjohen në mëngjes dhe do të shkojnë në shkollë së shpejti dhe Ben është atje, ai do t’i marrë ata. Dhe ne do ta bëjmë të funksionojë”, u shpreh aktorja.
Të kalosh ndarjen në sy të publikut ka qenë e vështirë për Jennifer.
“Kjo është vetëm një aspekt. Për çdokënd që jeta i ndryshon, është goxha e ndërlikuar. Por unë kam gjetur njerëz të ngrohtë dhe të dashur, sa nuk ka qenë aq keq sa mund të imagjinohet”.
Ajo ka ecur para falë dashurisë që i kanë dhënë njerëzit: “Njerëzit janë treguar kaq të dashur me gjithë familjen time dhe ne e vlerësojmë këtë”.
Burimi: Elle
