Për ata që janë ende duke pritur një rikthim të serialit “Friends”, mund të jetë zyrtarisht koha për të hequr dorë: Jennifer Aniston nuk mendon madje se shfaqja mund të ekzistojë në vitin 2017. Ne e dimë këtë në fakt, por nuk duam ta pranojmë!
“Ne bëjmë shaka me njëri-tjetrin dhe themi nëse “Friends” do të krijohej ditët e sotme, skena më e përshtatshme do të ishte një kafene e mbushur plot me të rinj që rrinë nëpër iPhone-at e tyre. S’do të kishte biseda të vërteta”, është shprehur aktorja për “Huffington Post”.
Kjo ka shumë kuptim: Kur ishte hera e fundit që shkove në një lokal dhe nuk pyete shërbyesit për fjalëkalimin e Wi-Fi-së para se të publikonit foton tuaj me kafe në “Instagram”?
48-vjeçarja pohoi me keqardhje se teknologjia e ka shkatërruar bazën e vërtetë të komunikimit dhe e pranon se ky fenomen ndikon shumë dhe tek vetë ajo, aq sa i ka çrregulluar edhe gjumin.
Ndërkohë vajzat e tjera të “Friends”-ave pohojnë se një rikthim i tyre do të ishte shumë i bukur, por është kaq e vështirë që aktorët, secili i ngarkuar me karrierën dhe familjen, të koordinohen si dikur.
Burimi: Glamour
