Përgjatë dekadave, Jennifer Aniston ka qenë në shënjestër të vazhdueshme të mediave për thashethemet mbi shtatzëninë dhe marrëdhënien dhe për herë të parë ndonjëherë, ajo reagon dhe thotë se nuk është aspak e lumtur për këtë.
Aniston i adreson thashethemet e fundit për shtatzëninë e saj përmes një shkrimi për “The Huffington Post”. Përmes një eseje, aktorja shkruan kundër mediave rozë dhe mënyrën se si e mëshirojnë femrën, duke vendosur një standard shoqëror për mënyrën se si shihen.
“Për rekordin, unë nuk jam shtatzënë. Ajo që jam është ngopje. Jam e ngopur nga shqyrtimi hetues dhe turpërimi i trupit, që ndodhin çdo ditë nën maskën e “gazetarisë”, “shpallja e të parit” dhe “lajmeve për të famshmit”, shkruan Jennifer.
“Le të filloj duke thënë që adresimi i thashethemeve është diçka që nuk e kam bërë kurrë. Nuk më pëlqen t’i jap energji biznesit të gënjeshtrave, por dua të marrë pjesë në një bashkëbisedim më të gjerë që ka nisur tashmë dhe ka nevojë të vazhdojë”, shkruan aktorja 47-vjeçare.
Aniston u raportua shtatzënë së fundmi, pas fotove të saj ku shfaqej me bikini gjatë pushimeve në Bahamas me bashkëshortin Justin Theroux. Ajo më pas shkon në detaje me paraqitjen e përditshme agresive të paparazz-ve duke ndjekur atë dhe bashkëshortin e saj: “Edhe nëse kjo do të thotë të na kërcënoni ne ose këmbësorin e pafat që ndodhet pranë nesh”.
Aniston vazhdon duke thënë se lajmet për të famshmit kanë efekte negative të vajzat e reja dhe femrën në shoqëri, duke deklaruar se ato duhet të jenë të dobëta ose shtatzënë për të qenë të lumtura.
“Ne jemi të kompletuara me apo pa një mashkull, me apo pa fëmijë. Ne duhet të vendosim për veten se çfarë është e bukur kur vjen puna për trupat tanë… ne nuk kemi nevojë të martohemi ose të bëhemi nëna për të qenë të kompletuara. Ne duhet të vendosim lumturinë tonë vetë”, përfundon shkrimi i saj.
Burimi: The Huffington Post
