Procedurat e regjistrimit dhe testimit të kandidatëve për patentë, do të ndryshojë këtë vit. Kështu patenta do të ketë një kategorizim specifik, që përfshin leje të veçanta drejtimi për shoferët mbi 16 vjeç, që do të mund të drejtojnë makina me kambio automatike.
Përveç kësaj, ka edhe më shumë elementë sigurie.
Sa i përket tarifave, ato nuk ndryshojnë, as për testimin, as për pajisje me leje drejtimi. Për të rinjtë mbi 16 vjeç, do të ketë një patentë të veçantë.
Leja e drejtimit për makina me kambio automatike do t’u jepet personave mbi 16 vjeç, të cilët do të mund të drejtojnë çiklomotorë, mjete me motor deri në 50 kubikë, me shpejtësi nga 25 deri në 45 km/orë. Për të përfituar lejen e drejtimit, personi duhet të pajiset me certifikatë mjekësore dhe duhet të regjistrohet pranë zyrave të Drejtorisë së Shërbimit të Transportit Rrugor.
Më pas duhet t’i nënshtrohet provimit të teorisë, që nëse e fiton, pajiset me patentë. Theksohet se këta drejtues nuk mund të ngasin lloje të tjera mjetesh.
Burimi: Balkanweb
