Sfida më e fundit e “BBV Kosova” për buxhetin e javës, varej krejtësisht nga reperët Stresi dhe Getinjo. Këta të fundit duhet të visheshin si “drag queens” për të përfituar buxhetin e plotë të javës. Edon Shileku, i cili është një “drag queen”, duhej të merrej me përgatitjet e reperëve.
Megjithëse të dy fillimisht refuzuan, ata në fund u transformuan në “drag queens” dhe nëse jeni kuriozë t’i shikoni, ja si duken ata:
Edon Shileku ose Victoria Owns është një banor kaq shumë i komentuar i Big Brother VIP Kosova. Ai bëri një bujë shumë të madhe me aparencën e tij, duke shfaqur një personazh ndryshe nga të tjerët.
Ai u shfaq si një “drag queen”, dhe në fakt personazhi që ai do të përfaqësojë herë pas here ne shtëpi do të jetë “Victoria Owns”.
Aktori do të shfaqet me dy personalitete të ndryshme dhe në fakt pritet që të bëjë bujë të jashtëzakonshme.
Në faqen e “BBV Kosova” në Instagram, aktori prezantohet kështu: “Banori i 7-të do të ju befasojë me karakteret e tij brenda një personi të vetëm- herë si Edon Shileku e herë si Victoria Owns”
Edon Shileku është me profesion aktor dhe theksoi se i pëlqen shumë grimi dhe veshjet plot ngjyra.
Opinionisti Olti Curri theksoi ndër të tjera se është shumë bukur kur brenda shtëpisë së BBV futen personazhe të tillë si Edoni, të cilin e krahasoi edhe me aktorin e njohur Alex Seitaj, konkretisht duke kujtuar personazhin e krijuar nga ai si “Vezirja”.
Sipas Oltit, nuk ka të bëjë aspak seksualiteti në këtë reality- show, por personaliteti dhe ajo që dikush i ofron publikut.
