Butrint Imeri është një nga këngëtarët më të suksesshëm dhe ka fansat më të zjarrtë në trojet shqiptare. Ai arriti në një kohë të shkurtër të kthehej në këngëtarin e preferuar të viteve të fundit dhe e gjithë kjo falë punës së tij të fortë. Butrinti ka sjellë ndër vite shumë këngë, që janë kthyer në hite. Ndër më të fundit është bashkëpunimi me Kidën dhe Ledrin me titull “Dale”.
Por a jeni kuriozë të dini se si dukej Butrinti shumë vite para se të fitonte famën që ka sot?
Së fundmi, këngëtari është kthyer pas në vite dhe ka ndarë në Instagram disa foto të tij nga fëmijëria. Në njërën nga fotot, ai duket shumë i vogël dhe me një zemër të kuqe të vizatuar në faqe.
“Kukuku zemra jem”, shkruan Butrinti përkrah fotos, duke e përshtatur me këngën e re që pritet të publikojë së shpejti.
Pavarësisht se kanë kaluar shumë vite, Butrinti vazhdon të ketë të njëjtën ëmbëlsi në portret dhe sapo na vërtetoi se djemtë nuk ndryshojnë aq sa thuhet me kohën.
Kujtojmë se Butrint Imeri përflitet në media për një histori dashurie me vajzën bukuroshe, Olta Beqiri. Teksa zërat lart e poshtë flasin për një lidhje dashurie mes tyre, duket se dyshja e ka lënë të nënkuptohet diçka të tillë nëpërmjet postimeve në rrjetet sociale, ku publikojnë herë pas here pamje nga i njëjti vend.
