Festa e Krishtlindjeve ka trokitur në familjen mbretërore, ku duket se të gjithë janë angazhuar në kartolinat e tyre festive.
Menjëherë pasi Mbreti Charles III dhe Queen Consort Camilla ndanë kartën e tyre të Krishtlindjes, Princi William dhe Kate Middleton ndoqën shembullin.
Princi dhe Princesha e Uellsit kanë ndarë portretin familjar që do të përdorin në kartolinën e tyre të festës së 2022-ës. Fotoja familjare është realizuar në fillim të këtij viti në shtëpinë e tyre në Norfolk, Angli.
View this post on Instagram
Zbulimi i kartolinave të Krishtlindjeve është kthyer në një traditë dhe çifti mbretëror e kanë bërë zakon të bëjnë foto ‘me këmbë në tokë’ për këtë rast. Këtë vit, familja është kapur për dore me veshje të rastësishme ndërsa ecin në një shteg.
Në vitin 2021, Princi William dhe Kate Middleton përdorën një foto familjare nga udhëtimi i tyre në Jordani, ku ai dhe djemtë mbanin veshur pantallona të shkurtra, ndërsa ‘vajzat’ fustane verore.
Në vitin 2020, ata zgjodhën një pamje më dimërore, por edhe më të relaksuar, një foto në të cilën ishin ulur mbi kashtë. Ndërsa në vitin 2019 kanë pozuar me një motoçikletë”old school”.
E vetmja gjë që të gjitha fotot kanë të përbashkët është fotografi: fitues i çmimeve Matt Porteous.
