Alketa Vejsiu i është rikthyer “huqit” të saj. Po flasim për bisedat virtuale me ndjekësit e saj, të cilat disa kohë më parë i kishte të shpeshta.
Edhe së fundmi, moderatorja ka realizuar një “ask me a question” në Instagramin e saj ku nuk kanë munguar kuriozitetet e shumta. E një nga ato lidhet me pjesën e preferuar fizike të Alketës në trupin e saj.
“Cili është tipari yt fizik që të pëlqen më shumë?”- e pyet një ndjekës/ndjekëse Vejsiun.
Nëse po prisni që ka thënë ndonjë pjesë të trupit, gaboheni. Pikërisht dhëmbët dhe buzëqeshja janë tipari i preferuar i Alketës.
Me të drejtë pasi moderatorja gjithmonë ka tërhequr vëmendje me buzëqeshjen e saj, e cila në profesionin që bën është një armë e fortë.
Kujtojmë që momentalisht Alketa Vejsiu është nën drejtimin e “Dance Albania”.
Gjatë këtij sezoni, moderatorja është “akuzuar” disa herë nga shikuesit për mënyrën si i trajton në skenë konkurrentët, të cilët janë figura të njohura publike.
Disa puntata më parë teksa në skenë ndodhej Anita Haradinaj, Alketa po mundohej ta drejtonte nga kamera qëndrore. Moderatorja e shfrytëzoi këtë moment për ta shpjeguar këtë “zakon” të saj siç e konsideroi ajo.
Alketa ndër të tjera u shpreh se shikuesit çuditën me këtë veprim të saj, por ajo ka hallin se mos Vera Grabocka bërtet në prapaskenë se nuk po rrinë drejt.
“Se kam gjithmonë panikun se mos Vera Grabocka bërtet atje në autobus dhe thotë vetëm hundën po ju shikojmë. Edhe mua më është bërë refleks ngaqë kam 22 vjet që punoj me Verën, në mes të programit, në seriozitet i marr i rrotulloj njerëzit,”-u shpreh Alketa.
