“Dancing With The Stars” pak nga pak po i afrohet natës finale. E derisa të mbërrimë atje, këto mbrëmjet e fundit spektakli sa vjen e bëhet më interesant.
Këtë të premte konkurrentët e mbetur në garë do të kërcejnë me një personin e tyre të dashur. Këtë informacion e ndau me publikun Julka Gramo teksa ishte e ftuar në “Wake Up”.
E me këtë rast nga reagimi i saj kuptuam se Julkën në këtë sfidë do ta shoqërojë partneri i saj. Ajo do të kërcejë me bashkëshortin në skenën e “DWTS”.
Ndërsa më herët Sara Hoxha ka publikuar një “Instastory” ku duket me babain e Ledri Vulës, Agron Vulën në ambjentet e “Top Channel”.
Ndonëse blogerja nuk ka zbuluar më tepër në story-n e saj, siç duket Sara do të vallëzojë me vjehrrin e saj këtë të premte në spektaklin e kërcimit.
Më herët në një intervistë për “Më Lër të Flas”, Sara Hoxha tregoi nga finalistët e spektaklit tek ai që mban juria me hatër sipas saj.
Kush mendon se do të jetë në finalen e “Dancing With The Stars”?
Mendoj që do të jetë Elhaida dhe Arditi.
A mendon se do të jetë edhe vetëm finaliste?
Po, patjetër edhe unë do të jem në finale. Mund të jetë Megi, Isli, Salsano ose Julka nuk e di.
Cili është çifti më i dobët sipas teje në “Dancing With The Stars”?
Mbase Islin nuk e shoh shumë në finale por nuk e di se çfarë do bëjë ai edhe këto dy, tre javë që kanë ngelur.
Kë mban me hatër juria?
Unë ndonjëherë mendoj që Kledi mban me hatër Elhaidën.
