Kida kishte paralajmëruar se kishte gati disa këngë të reja dhe mesa duket ka ardhur koha që t’i publikojë. Fansat e saj e kanë pritur me padurim këtë ditë dhe më në fund këngëtarja ka vendosur t’ua plotësojë dëshirën. Ditën e sotme Kida ka publikuar një pjesë nga projekti i saj i ri muzikor, i cili siç duket do të mbajë titullin “Babe”.
Këngëtarja shfaqet në një video duke kënduar brenda në makinë dhe duket se projekti i ri do i përkasë zhanrit baladë. Duke qenë se tani jemi në periudhën e dimrit kemi të gjithë nevojë për një baladë dashurie dhe me siguri kjo këngë e Kidës do të jetë hiti i këtij sezoni.
“Ju tashmë e dini se çfarë po vjen”, ka shkruar Kida përkrah videos dhe kështu e ka bërë gjithë rrjetin të ziejë.
Kujtojmë se këtë vit, Kida ka publikuar vetëm 2 këngë të reja, por secila prej tyre ka qenë “on top”. Në muajin korrik ajo nxorri super hitin “PP” në bashkëpunim me Mozzik, që vazhdon të kryesojë listat muzikore. Më pas në shtator, Kida publikoi videoklipin “Edhe sa”, që gjithashtu rezultoi një hit i vërtetë, duke arritur miliona klikime në një kohë të shkurtër.
