Me zhvillimin e teknologjisë duket se robotët do të na zëvendësojnë edhe ne, njerëzit! Nuk duket e largët dita kur shumë nga punët që bëjmë ne, mund të gjeni të punësuar një robot.
Inteligjenca artificiale, është ajo çka do të bëjë revolucionarizimin në industrinë e modës dhe padyshim në dollapët tonë.
Jo më veshje që nuk i doni
Një nga gjërat për të cilat do t’i jeni mirënjohës “Inteligjencës artificiale”, do të jetë kategorizimi i rrobave. Kjo gjë do të jetë mjaft fitimprurëse edhe për kompanitë e modës, pasi do të kenë mundësinë të shikojnë një analizë të detajuar për sa i përket materialeve, ngjyrave, copave apo çdo detaji të një rrobe në çdo vend. Në këtë mënyra, shtëpitë e modës do ta dinë paraprakisht sesa i suksesshëm do të rezultojë trendi i ri që do të nxjerrin.
Aftësia për të blerë trendët më të mëdha të modës
“Inteligjenca artificiale” mund të jetë stilisti juaj personal, që do t’iu ndihmojë të kërkoni gjërat e duhura në vendet e duhura. Do t’iu tregojë se çfarë ju shkon dhe nga çfarë duhet të hiqni dorë. Kështu do të dini se po blini realisht diçka që do të duket bukur tek ju dhe jo vetëm sepse mund të jetë me ulje.
Rroba fantastike në dollapin tuaj
Gjithashtu do të keni më shumë vend ne dollapin tuaj pasi të hiqni të gjitha gjërat që keni mbledhur gjatë viteve dhe i keni harruar aty. Gjithashtu robotët do të mund të ndihmojnë edhe stilistët duke iu stimuluar kreativitetin si dhe në krijimin e modifikimin e copave të reja. E gjitha do të realizohet përmes studimit dhe analizimit të tregut.
Burimi: GQ
