Tirana po merr një pamje të re! Nuk e kemi fjalën as për pemët që po mbillen dhe as për rrugët nëpër lagje që po shtrohen.
E kemi fjalën për zbukurimin e atyre pallateve të vjetra, godinave të universiteteve etj, që ka marrë përsipër të bëjë Bashkia e Tiranës, nëpërmjet Agjencisë së Dekorimit.
Nisma që quhet “MurAL Fest” është e duhura për zbukuruar kryeqytetin tonë, por edhe për t’u dhënë mundësi atyre artistëve të rinj që të shfaqin talentin e tyre.
Gjithsej janë 13 artistë që janë të angazhuar mes të cilëve nga Shqipëria, Italia, Serbia dhe Franca. Sigurisht që është një punë e madhe dhe e vështirë pasi atyre do u duhet të punojnë mbi skela dhe vinça.
Fotot e disa prej muraleve më të veçanta që janë bërë nëpër pallatet e Tiranës, tashmë janë publikuar në rrjetet sociale. Ky festival zgjat deri më 3 qershor dhe më pas do të zgjidhet edhe vepra më e bukur.
Artistet që marrin pjesë në “MurAL Fest” janë:
2501 (IT)
Artez (SR)
Bifido (IT)
Chekos Art (IT)
Carlitops (IT)
Davide DPA (IT)
ENDE (AL)
Eldi Veizaj (AL)
Eljan Tanini (AL)
Frank Lucignolo (IT)
Franko Dine (AL)
Lazoo (FR)
Theic Licuado (UR)
