Një foto e një gruaje myslimane që detyrohej të zhvishej në publik, pati një reagim të madh në rrjetet sociale. Në foto dukeshin disa policë të armatosur që po detyronin një grua në një plazh në jug të Francës, të hiqte veshjen e saj burka.
Mësohet se tre nga oficerët i kanë drejtuar gruas një sprai piper në sy, duke i thënë se ajo ishte duke shkelur kodin e veshjes në plazh.
Kjo foto po krahasohet me një tjetër të realizuar në vitin 1925, kohë kur gratë e kishin të diktuar gjatësinë e fundeve dhe nuk mund t’i vishnin më të shkurtër, ndryshe ndëshkoheshin.
Dy ditë më parë katër gra myslimane u gjobitën me nga 38 euro, sepse kishin veshur bukra në plazhin e Kanës. Më 28 korrik, autoritetet franceze vendosën një urdhër në sajë të masave për parandalimin e rasteve të terrorizimit, duke ndaluar kështu përdorimin e çantave të mëdha dhe të shpinës nëpër plazhe, po ashtu edhe burkave.
Ky vendim u mor nga kryebashkiaku i Kanës, i cili vlen deri më 31 tetor. Këto masa vinë pas sulmeve terroriste që përfshinë këtë vend, ku i fundit ishte ai i 14 korrikut në qytetin e Nicës, ku humbën jetën 84 persona, ndërsa u plagosën qindra të tjerë.
