Dinamikat e reja në vilën e dashurisë ‘Love Island Albania’, kanë marrë një tjetër rrjedhë, e nuk i kanë pëlqyer aspak Xhoanës.
Xhoana ishte e eliminuara e radhës, në puntatën e së dielës së kaluar. Ajo la brenda një lidhje të hapur me ‘partnerin’ e saj Arlindin, po me daljen nga vila duket se konkurrenti nuk u ka thënë ‘JO’ njohjeve të reja. Arlindi po shijon takimet me Uedën.
Kjo histori u sqarua edhe në puntatën e sotme e cila ka nisur me ‘tensione’. Xhoana është përballur me Arlindin dhe të gjithë ishullorët, teksa u shpreh se njohjen me Uedën e cilëson si ‘lojë’.
“Nuk kam fjalë, nuk e prisja nga asnjëri prej tyre, ata kanë shprehur antipati për njëri-tjetrin. Arlindi thoshte ajo shoqërohet me Aleksandros dhe s’më pëlqen. Ueda duhet të kishte pak më shumë respekt për mua. Ndjenjat që kam patur për Arlindin kanë qenë reale. Unë thoja do dal nga vila, Arlindi thoshte mos më lër vetëm”, u shpreh Xhoana.
“Kemi patur një rrugëtim të bukur por shumë të vështirë. Kam qenë shumë pranë teje në vilë gjithmonë. Shpresoj të më suportosh nga jashtë. Unë kam qenë shumë real me Xhoanën. Je sjellë si një adoleshente me mua, s’po të njoh më se kush je. Ke luajtur si një person që nuk je. Kam qenë i vetmi që të kam mbështetur në vilë”, u përgjigj Arlindi.
