“Facebook” ka ndërtuar një opsion të ri, i cili është i ngjashëm me atë të aplikacioneve për takime si Tinder dhe Bumble, për të lënë takime mes miqsh.
Rrjeti social ka filluar që të pyes përdoruesit nëse dëshirojnë të takojnë miq të caktuar. Nëse të dy përgjigjen pozitivisht, “Facebook” do të inkurajojë që të nisi një bisedë në “Messenger”. Nëse ndonjëri përgjigjet negativisht opsionit, biseda nuk do të vazhdojë më tej.
Opsioni i ri u paraqit nga Jacob Dubé, i cili u shpreh se fillimisht po testohet në sistemet iOS dhe Android në Toronto dhe Zelandën e Re.
Nuk dihet saktësisht nëse opsioni i ri u krijua vetëm për të forcuar shoqërinë apo me perspektivë për të ndihmuar përdoruesit që janë “single”.
“Njerëzit shpesh përdorin “Facebook” për të bërë plane me miqtë e tyre. Pra, ne po bëjmë një test shumë të vogël në aplikacionin “Facebook” për ta bërë atë më të lehtë. Ne shpresojmë që të dëgjojmë reagimet e njerëzve”, u shpreh Dubé.
Sipas tij, ky opsion është ndryshe nga ai i aplikacioneve enkas për takime pasi së pari bëhet fjalë për ata që ke miq në “Facebook” dhe çdo lloj takimi shoqëror.
