Ti je e mrekullueshme. Edhe nëse nuk ke pranë një mashkull për të ta kujtuar! Je e mrekullueshme pavarësisht peshës apo moshës tënde, sepse një femër është e bukur në moshën 20, 30, 40, 50-vjeçare ose më e vjetër; një grua është e mrekullueshme pavarësisht kofshëve të buta, pavarësisht celulitit.
Ti je e mrekullueshme në mëngjes, ndërsa bën grimin në pasqyrë me ato sytë e lodhur nga një natë pa gjumë, sepse “ai” sërish të ka prishur ëndrrat.
Ti je e mrekullueshme në mesin e njerëzve, je e mrekullueshme kur je duke ecur nëpër rrugë me ato xhinse të ngushta, gjithmonë të njëjtat, por që janë të preferuarat e tua dhe të bëjnë të ndjehesh aq e bukur.
Ti je e mrekullueshme teksa udhëton në një tren dhe sheh nga dritarja me sytë e vagët. Je e mrekullueshme kur bëhesh gati për të dalë natën, por edhe më shumë me pantofla në divan duke parë filmin që të pëlqen aq shumë.
Një grua është gjithmonë e mrekullueshme, në dritën e dashurisë që ende dhemb. Ti je e mrekullueshme sepse beson, pavarësisht nga zhgënjimet, pavarësisht dhimbjes. Ti je e mrekullueshme, sepse bën gjithmonë, jo vetëm për të tjerët, por për veten tuaj. Koha, streset e jetës janë duke u përpjekur për të dobësuar bukurinë e tënde, por një femër shkëlqen gjithmonë, për shkak të dritës së brendshme.
Ti je e mrekullueshme, sepse dashuron dhe e bën këtë me gjithë shpirt. Ti je e mrekullueshme, sepse bëhesh gjithmonë “katër” për njerëzit që ke për zemër, edhe pse në fund të zhgënjejnë.
Mos lejo që e keqja dhe dhimbja të të ndryshojë atë çka je, sepse ti e di se je gjëja më e çmuar e vetes. Ti je e mrekullueshme, sepse je TI, pavarësisht çdo gjëje e çdokujt.
Kur ta kuptosh këtë do të bindesh se të jesh beqare nuk është aq e keq, se të mësosh të qëndrosh me veten është thelbësore dhe vetëm kur të kuptosh sa vlen nuk do të lidhesh më me mashkullin e parë që të del përpara.
Burimi: PianetaDonna
