Blue Ivy i ka “tërhequr veshin” babait të saj dhe kjo sipas Jay-Z ka qenë gjëja më e bukur që i ka thënë ndonjëherë.
Duke folur me David Letterman në episodin e ardhshëm të emisionit “My Next Guest Needs No Introduction” (I ftuari im i radhës nuk ka nevojë për prezantim), reperi tregoi sesa mirënjohës është me familjen e tij kur zbuloi se kohët e fundit vajza Blue Ivy e kishte qortuar.
“Unë nuk jam zemërthyer në këtë pikë që jam në jetën time. Ndihem mirënjohës çdo ditë. Zgjohem, shikoj përreth, shikoj fëmijët e mi, ata janë të shëndetshëm”, tha 48-vjeçari.
“Unë dhe vajza ime flasim. Një ditë i thashë të hipte në makinë kur po më bënte njëmijë pyetje, sepse duhej të largoheshim për në shkollë”.
“Kështu hipa në makinë dhe ndërkohë që isha në timon dëgjoj një zë të vogël: ‘Babi? Nuk më pëlqeu kur më the të hipja në makinë në atë mënyrë sesi ma the. Më lëndoi ndjenjat!’ Ajo është gjashtë vjeçe! Dhe unë i thashë: ‘Kjo është gjëja më e bukur që më ke thënë ndonjëherë'”.
Jay-Z është bërë sërish baba i dy binjakëve Sir dhe Rumi dhe kjo sipas tij, kjo është gjëja më e mirë që mund t’i ndodhte.
Intervista do të publikohet në Netflix të premten.
Burimi: Daily Mail
