Kjo është java me numrin më të lartë të vdekjeve nga Covid-19 në vendin tonë që nga nisja e epidemisë, pasi 11 persona kanë ndërruar jetë.
Ministria e Shëndetësisë njofton se në 24 orët e fundit kanë ndërruar jetë një 70-vjeçar nga qyteti i Shkodrës dhe një 54-vjeçare nga Tirana, duke e çuar në 55 numrin total të vdekjeve nga virusi.
Po ashtu, janë identifikuar 72 raste të reja me Covid-19, duke e çuar në 2402 numrin total të të prekurve në vendin tonë.
Rastet e reja janë konfirmuar: 19 në Tiranë, 9 në Krujë, nga 8 raste në Shkodër, Durrës, Pukë, nga 4 raste në Sarandë dhe Vlorë, nga 3 raste në Fier, Lushnje, 2 në Lezhë, dhe nga 1 rast në Korçë, Elbasan, Has, Kavajë.
Në vendin tonë aktualisht janë 963 persona aktivë me Covid-19, kryesisht në Tiranë, Shkodër, Durrës.
Shqetësues është edhe fakti që vijon të ketë shtrime në spitalin Infektiv ku aktualisht po trajtohen 77 pacientë, 15 prej tyre janë në terapi intensive, ndërsa 2 janë të intubuar.
Lajmi i mirë është se në 24 orët e fundit janë shëruar 38 qytetarë, duke e çuar në 1384 numrin e të shëruarve që nga fillimi i epidemisë.
Shpërndarja gjeografike e rasteve aktive sipas qarqeve:
Tiranë 371
Durrës 181
Shkodër 162
Vlorë 103
Fier 48
Lezhë 33
Korçë 26
Kukës 15
Elbasan 12
Gjirokastër 7
Berat 5
https://www.facebook.com/edirama.al/videos/305511594168335/
