Më të mirët e modës festuan në Nju-Jork përgjatë një jave tendencat më të fundit të koleksioneve Pranverë/ Verë 2017, duke sinjalizuar një muaj me shfaqje ndërkombëtare nga talentet më të mira të industrisë. Tre dizajnues nga “Swarovski Collective” prezantuan koleksionet e tyre të fundit, të zgjedhur në bazë talentit, zotësisë dhe përkushtimit për risi në artin e tyre. Mbi gjysmë milionë kristale “Swarovski” u përdorën në të gjitha paraqitjet e këtij viti.
Frudat dhe mëngët ekspresive u dalluan nëpër pasarela, të ndërthurura me një ndjenjë modernizmi dhe një prekje femërore joshëse. Printimet e ekzagjeruara ishin në qendër të vëmendjes. Frymëzimet vinin nga vendet qiellore deri te thjeshtësia e një stili perfekt të sezonit. Marka “Creatures of the Wind” solli një koleksion të zbukuruar me kristale “Swarovski”, në jakët e xhaketave apo te supet e veshjeve, Koleksioni “Angel” ishte frymëzuar nga ideja e bukurisë së idealizuar, në përsosmërinë e saj.
Frymëzimi i dizajnueses, Rosie Assoulin, për koleksionin Pranverë/Verë 2017 nuk ishte shumë surprizë. Gjithçka flitej për verën, me modelet e zbukuruara me dizajnët Hawaii-ane dhe fjalët e shkruara me gurët “Swarovski”, të cilët zbukuronin pjesët e pasme të veshjeve. Një fustan “oversize” përfshinte plot 142,000 kristale “Swarovski”. Ndërsa koleksioni i Tome për shfaqjen Pranverë/Verë 2017, solli iluzionin optik të artit të Bridget Riley, duke përdorur kristalet e “Swarovski”-t në formë rrjete për të nxjerr në pah modelet gjeometrike të koleksionit.
Për vitin e 17-të radhazi, “Swarovski Collective” frymëzoi krijuesit në industrinë e modës duke ofruar talentin e zgjedhur, mbështetje financiare dhe materiale të kristaleve në të gjithë Javët e Modës të Nju-Jorkut, Londrës, Milanos dhe Parisit. Bashkëpunimet e dizajnuesve të “Swarovski Collective” do të vazhdojnë edhe me Javën e Modës në Londër, duke përfshirë dizajnet e kristaleve më të kërkuara në botë. Eksploroni nga afër koleksionin e ri të “Swarovski”-t në dy dyqanet e tij, në Qendrën Metropol, rr. “Sami Frashëri” dhe në TEG.
Burimi: Swarovski
