Kur Meghan Markle dhe princ Harry deklaruan se do të largohen nga Kate Middleton dhe Prince William, interneti u çmend.
Madje filloi të përflitej se arsyeja se përse ata po largohen është se janë zënë dhe nuk arrijnë më të durojnë praninë e njëri-tjetrit.
Këtë e kuptuam! Janë thjesht zëra që mbeten në kuadrin e thashethemeve.
Mirëpo cila është arsyeja e vërtetë se përse çifti dëshiron të shpërngulet?
Ish-zëdhënësi i shtypit i Mbretëreshës Elizabeth, Dickie Arbiter, ka hedhur dritë mbi atë çka thuhet, duke deklaruar se: “Arsyeja pse Harry dhe Meghan po shpërngulen nga Kensington është mungesa e hapësirës. Vendi ku ata jetojnë është shumë i vogël. Ata kanë 2 dhoma gjumi, një dhomë ndjenje, një dhomë ngrënje. Nuk kanë hapësirë të bollshme.”
Në vijim, ai ka pohuar për “Us Weekly” se kur Harry ishte beqar, ka pasur hapësirë të mjaftueshme për të jetuar me vëllanë dhe kunatën, por tani që ai po krijon një familje të vetën, gjërat ndryshojnë.
Tingëllon si një veprim më se i arsyeshëm!
