Kim Kardashian dorëzoi kërkesën për divorc nga Kanye West në muajin shkurt. Megjithëse gratë vendosin të heqin dorë nga mbiemri i partnerit menjëherë pas ndarjes, Kim nuk po vepron njësoj.
Mediat e huaja shkruajnë se Kim vazhdon të përdorë ende mbiemrin e saj dhe të reperit. Javën e shkuar ajo firmosi një foto të saj për një fans dhe në të shkroi “Kim Kardashian West”. Thuhet se kjo ka ndodhur gjatë kohës që ajo ishte duke u larguar me nënën e saj Kris Jenner dhe motrat Kylie dhe Kendall, pasi të gjitha bashkë darkuan në një restorant. Ndërkohë edhe në rrjete sociale ajo vazhdon të mbajë të dy mbiemrat të sajin dhe të Kanye-s. Kim përdorë mbiemrin e reperit që nga viti 2014, kur ata të dy u kurorëzuan me martesë.
Megjithatë, Kim mund të jetë duke përdorur mbiemrin e ish-bashkëshortit për shkak të qëndrueshmërisë së markës së saj, KKW Beauty.
Kujtojmë se para disa ditësh, Kim foli për herë të parë në lidhje me divorcin nga Kanye në reality show e familjes së saj.
”Thjesht sinqerisht nuk mund ta bëj këtë më. Pse jam akoma në këtë vend ku jam mbërthyer prej vitesh. Mendoj se ai meriton dikë që do të mbështesë çdo lëvizje të tij dhe ta ndjek nga pas në të gjithë vendin. Unë nuk mund ta bëj këtë gjë”, u shpreh Kim në një episod të “KUËTK”.
