Prej kohësh po flitet se Meghan Markle dhe Priyanka Chopra nuk janë më shoqe bashkë. Një burim tashmë sqaron se, e gjitha nisi pas Dukesha nuk shkoi në dasmën e aktores së njohur me Nick Jonas, në dhjetor të 2018-s.
“Priyanka u shkatërrua. Miqësia e tyre ka marrë fund, vetëm nëse Meghan i kërkon falje. Priyanka është një yll ndërkombëtar me shumë ndjekës në mediat sociale. Ajo është ndoshta më e famshme se Meghan. Ajo ndjehet sikur Meghan nuk e respektoi atë dhe miqësinë e tyre”, tha një burim i afërt me aktoren.
Por nga ana tjetër Priyanka mungoi te “baby shower”-i i organizuar për Meghan, pavarësisht se ndodhej në Nju-Jork. Kështu, një tjetër burim tregon për “E!News” se, në fakt ato të dyja janë akoma shoqe dhe flasin gjithë kohës bashkë.
“Të gjitha thashethemet se Priyanka dhe Meghan nuk janë më shoqe, s’janë të vërteta. Ato janë akoma shoqe të ngushta dhe flasin shpesh bashkë. Vetëm sepse Priyanka nuk i shkoi te festa apo Meghan s’arriti t’i shkonte në dasmë, s’do të thotë asgjë për miqësinë e tyre. Janë sërish shoqe të ngushta”, tregon burimi.
Çfarë po ndodh mes tyre?
Burimi: Cosmopolitan
