Zyan Malik, prej më shumë se dy vitesh ishte në një lidhje dashurie me modelen Gigi Hadid, mirëpo lajmëruan ndarjen përmes një statusi në Twitter në muajin mars.
Po ndarja nuk zgjati as edhe një muaj, teksa u fotografuan së bashku ditë më vonë, duke konfirmuar zërat se ishin rikthyer sërish me njëri-tjetrin. Edhe përse Zyan dhe Gigi, postojnë imazhe në rrjetet sociale, ku shfaqen shumë të dashuruar, për 25-vjeçarin, lidhja e tyre nuk ka një emër konkret.
“Ne jemi të rritur. Nuk ka nevojë t’i vendosim një emër marrëdhënies, për të lumturuar të tjerët” – u shpreh Zayn Malik për revistën GQ.
Malik nuk hodhi poshtë të mirat e Gigit, teksa theksoi se ajo i kishte ndryshuar jetën.
“Unë i shihja gjërat shumë negativisht. Ndoshta për shkak të adoleshencës ose kushedi se çfarë po kalonte në mendjen time në atë kohë. Ajo më ndihmoi të zbuloj më të mirën tek gjithçka. Jam shumë i lumtur me të.” – u shpreh Zayn në intervistën me revistën “GQ”.
