Edhe pak ditë na ndajnë nga mbyllja e muajit të parë të vitit.
Por edhe pse po vjen shkurti, moti nuk ka për të ndryshuar shumë. Meteoalb ka parashikuar se për ditët e fundit të janarit dhe për muajin shkurt do të ketë reshje shiu dhe borë në zonat malore, ndërsa temperaturat e ajrit do të jenë tipike të stinës së dimrit.
“Ditët e fundit të janarit vijojnë me reshje shiu dhe dëborë në zonat malore mbi 700 m nga niveli i detit ndërsa temperaturat do të jenë tipike të dimrit për pjesën më të madhe të vendit, përjashtuar Verilindjen.
Edhe muaji shkurt, do të sjellë prezencë të shpeshtë të reshjeve ndërsa pritet edhe një hyrje e masave ajrore polare nga mesi i shkurtit. Megjithatë, në tërësi muaji shkurt do të sjellë temperatura më të larta se vlerat normale mujore”, shkruan Meteoalb.
