Moderatori James Corden ka zbuluar një detaj nga jeta e tij personale. Së fundmi, ai ka bërë me dije se i lan flokët e tij vetëm një herë në dy muaj.
Prezantuesi i “Late Late Show”, i cili do të largohet vitin e ardhshëm nga programi, po thoshte se banorëve të Los Anxhelosit iu kërkua të shkurtonin kohën e dushit.
Duke folur në emisionin që ai ka qenë në krye që nga viti 2015, James, 43 vjeç, pranoi se dushet e tij mund të mbyllen në më pak se pesë minuta.
Ai tha: ‘Unë jam brenda dhe jashtë kabinës së dushit për tre ose katër minuta. Unë përdor sapun, por nuk i laj flokët. Flokët i laj një herë në çdo dy muaj”.
Jo vetëm kaq por ai ka zbuluar së fundmi edhe sekretet e humbjes së peshës, të cilat përfshinin agjërimin me ndërprerje dhe mosngrënien deri në mesditë.
James pranoi se atë ditë kishte ngrënë vetëm një mollë dhe kishte bërë boks, asgjë tjetër.
Duke diskutuar për dietën e tij, James i tha The Sun: “Unë përpiqem të ushqehem shëndetshëm dhe të mos e privoj veten. Ideja për të mbajtur një dietë është e gabuar, sepse në një moment ju do t’i ktheheni ngrënies së ushqimeve”.
Por sa shpesh duhet t’i lajmë flokët?
Kasey Bertucci, bashkëthemeluese e “Salon 120 West” në Boston, tha se larja e flokut varet nga një sërë faktorësh, duke përfshirë llojin e flokëve, strukturën dhe rutinën tuaj personale.
Nëse jeni dikush që ju pëlqen t’i lani flokët më shpesh, Bertucci tha duhet t’i lani një herë në dy ose tre ditë.
Më tej, Bertucci tha se personat me flokët kaçurrela zakonisht kanë një skalp të thatë, kështu që flokët mund t’i lajnë një herë në 5 ose 7 ditë.
Flokët e lyer duhet gjithashtu të lahen më rrallë.
Nëse keni flokë të yndyrshëm, ju mund t’i lani çdo ditë vetëm nëse përdorni një shampo të butë dhe një balsam të mirë pas çdo larje.
