Aras Bulut Iynemli është ndër aktorët më të mirë turk, që po bën namin sidomos pas rolit të tij në “Mrekulli në qelinë nr.7”, ku luante rolin e Memos.
Ai shfaqej në rolin e një babai me probleme psikologjike, por shumë të lidhur me të bijën, duke përlotur të gjithë ata që e kanë parë filmin.
Megjithatë, Aras është shumë i njohur për publikun shqiptar sepse e kemi parë edhe në një sërë rolesh të tjera si Jamaçit tek ‘Çukur’, apo Mert te “Içerde”. Kështu, ai është kthyer në një nga aktorët e preferuar turk edhe për publikun shqiptar.
Së fundmi, Aras ka qenë i ftuar në emisionin shqiptar “Qejfi më i madh se Stambolli”, me moderatoren Linda Imami ku ka folur rreth shumë detajeve interesante madje ka shprehur dëshirën për të vizituar Shqipërinë në të ardhmen.
Nga fillimi i karrierës, tek si e kalon ditën dhe suksesi i jashtëzakonshëm i8 filmit “Mrekullia në qelinë nr.7”, në 20 minuta Aras tha shumë.
Aktori i famshëm tregoi se edhe atij vetë iu mbushën sytë me lot kur lexoi skenarin e filmit dhe e pranoi menjëherë rolin. Ai u shpreh se nuk e priste një sukses kaq të madh dhe se nuk e bën punën për të fituar çmime.
Ndërkohë, momenti që na pëlqeu më shumë nga intervista është kur Aras tentoi të fliste shqip kur moderatorja i tregoi se seriali “Koha kalon” ende transmetohet në Shqipëri. Pikërisht këtë titull ai e tha në mënyrën e tij dhe ky moment po bën xhiron në rrjetet sociale.
