Taylor Swift e mban marrëdhënien e saj larg syve të publikut dhe nuk preferon të diskutojë në lidhje me të në publik.
Të njëjtën gjë bën edhe partneri i saj Joe Alwyn, i cili gjithashtu është treguar shumë diskret rreth romancës së tyre.
Megjithatë, e gjendur përballë Paul McCartney për coverin e ri të kopertinës Rolling Stone, këngëtarja ka thyer pak rregullin e saj dhe ka thënë disa gjëra mbi raportin e tyre.
Kështu, autorja e hitit “Shake it off” ka thënë se Alwyn është i vetëdijshëm se si fama mund të ndikojë negativisht në marrëdhëniet e tyre.
Artistja me famë botërore u shpreh se media ka respektuar privatësinë e saj, sepse pavarësisht dëshirës që ajo ka për ta mbajtur larg syve të publikut lidhjen, nuk mund të kontrollojë lajmet apo fotografët.
“E di që ju keni bërë një punë vërtet të shkëlqyeshme lidhur me lajmer për jetën tuaj personale. Ndërhyrja në jetën e një personi që nuk është figurë publike është e frikshme dhe e papërshtatshme. Sidomos, po t’i shtosh kësaj faktin se ai është lidhur me një person shumë të famshëm. Unë, shpesh mund të kontrolloj se si jam si person dhe sa normal veproj dhe racionalizoj gjërat, por nuk mund të kontrolloj nëse mediat publikojnë fotot tona, apo nëse fotografët ndjekin makinën tonë apo ndërhyjnë jetën tonë. Unë nuk mund ta kontrolloj nëse do të ketë një titull të rremë të çuditshëm për ne në lajmet nesër.“- u shpreh ajo.
Kur u pyet nëse Alwyn i kupton vështirësitë e të qenurit në krah të një ylli botëror, Swift tha, “Ai absolutisht e kupton”, teksa shtoi se kjo marrëdhënia e ka mbajtur me këmbë në tokë larg vëmendjes mediatike dhe afër jetës reale.
“Por unë mendoj se duke e njohur atë dhe duke qenë në marrëdhënien që jam tani, unë kam marrë vendime që e kanë bërë jetën time më afër jetës së vërtetë dhe më pak si thjesht një histori për t’u komentuar në tabloidet. Ideja e privatësisë duket kaq e çuditshme kur përpiqesh të shpjegosh, por në të vërtetë është thjesht përpjekje për të gjetur copa normaliteti”.
