Einxhel Shkira ka folur për projektet e saj më të fundit, dhe në listën e saj mungon angazhimi në televizion.
Moderatorja e njohur ka treguar në një komunikim me fansat në InstaStory se aktualisht nuk ka asnjë projekt televiziv dhe nuk do as të rikthehet në ekran, pasi deri më tani, televizionet ku ka punuar kanë tentuar të shesin me imazhin e saj.
Bukuroshja brune shprehet se është më shumë se “pjeshka mbi taka” që kërkon ekrani shqiptar dhe do të jetë 100% vetvetja.
Mes të tjerash, ajo flet edhe për stereotipet e krijuara dhe vështirësinë që ka të luftosh me njerëzit e tjerë dhe mendjet e tyre paragjykuese.
“Nëse doni të jem e sinqertë nuk kam asnjë projekt televiziv, as dua të kem, as të rikthehem. Dua të bëj diçka që më jep kënaqësi, dua që të jem 100% vetvetja dhe mos frenoj gojën brenda kornizës që të tjerët duan t’më fusin. Deri sot dashje pa dashje kanë tentuar vetëm të shesin me imazhin tim dhe deri diku ka qenë e paevitueshme dhe aspak e lehtë të luftosh me stereotipet që krijojnë njerëzit në mendjet e tyre paragjykuese. Por unë e di kush jam dhe çfarë dua, unë jam më shumë se pjeshka mbi taka dhe ky është projekti im i radhës,”- shkruan ajo ndër të tjera në Instastory.
