Fansat e Drake do të duhet të presin edhe pak për “Certified Lover Boy”. Reperi i “Laugh Now, Cry Later” njoftoi të mërkurën se po shtyn publikimin e albumit të tij të gjashtë për herë të dytë.
“Unë isha duke planifikuar të publikoja albumin tim këtë muaj, por midis operacionit dhe rehabilitimit, energjia ime i ishte kushtuar shërimit,” – shkroi ai në Instagram Stories. Reperi zbuloi në tetor 2020 se kishte pësuar një dëmtim në gju dhe i duhej t’i nënshtrohej një ndërhyrjeje.
Drake vazhdoi në statusin e tij: “Jam i bekuar që jam përsëri në këmbë duke u ndjerë shkëlqyeshëm dhe i përqendruar te album, por CLB nuk do të publikohet në janar. Unë mezi po pres që ta ndaj me ju të gjithë në 2021!”-përfundoi ai pa dhënë një datë për lançimin e albumit.
Reperi fillimisht njoftoi në Instagram në prill 2020 se po vinte me një album të ri në verën e atij viti.
“Albumi im i gjashtë që do publikohet në verë !!! Numri me fat 6 së shpejti fwd,“- shkroi ai në atë kohë.
Drake më vonë azhurnoi fansat në ditëlindjen e tij të 34-të në lidhje me albumin e tij, duke zbuluar se ai do të dilte në janar 2021. Dhe tani e shty prapë.
View this post on Instagram
