Aktorja e njohur e Hollivudit, Marcia Cross ka treguar se është e shëndetshme, e lumtur dhe se ia ka dalë ta mundë kancerin.
Ylli i serialit “Shtëpiake të dëshpëruara” zbuloi se ka vuajtur nga kanceri anal, por tashmë është shëruar.
56-vjeçarja publikoi më parë një foto ku tregonte flokët e rëna dhe të prera shkurt pas koke.
“Jam kaq mirënjohëse dhe e lumtur që jam gjallë, por e trishtuar që flokët e mi kanë rënë dhe janë rreëth 2, 5 cm të gjatë tani”, shkruante Marcia.
Por me sa duket kjo selfie i bëri fansat konfuzë dhe Marcia u detyrua të bëjë një postim të dytë të nesërmen, për të sqaruar se çfarë kishte ndodhur:
“Ndjekësit e mi të dashur, Më vjen keq që postimi im nuk ishte i qartë. Unë e kam mundur kancerin. Gjithçka është mirë tani. Udhëtim i vështirë, por jam e shëndetshme, e lumtur dhe më mirënjohëse se kurrë. Faleminderit nga thellësia e zemrës sime për të gjithë dashurinë tuaj”.
