Në shkurt të vitit 2019, mediat u pushtuan nga skandali i tradhtisë së mikeshës së Kylie Jenner, Jordyn Woods, me partnerin e Khloe Kardashian, Tristan Thompson.
Dyshja u pa duke u puthur në një festë dhe gjërat nuk ishin më të njëjta për askënd pas atij momenti.
Khloe i dha fund marrëdhënies me basketbollistin, ndërsa Kylie prishi shoqërinë prej vitesh me mikeshën e saj.
Por si ndihet Jordyn Woods sot, pasi ka kaluar kohë nga kjo ngjarje e bujshme?
Ajo shprehet e lumtur që gjërat morën këtë drejtim dhe nëse s’do të kishte ndodhur skandali i tradhtisë, s’do të mund të ishte bërë kjo që është sot.
“Jam e lumtur që u bëra kjo që jam sot falë gjithë situatave që kalova. Ishte shumë për familjen time, familjet e tjera, miqtë dhe në 1 milion vjet nuk do kisha kurrë qëllim t’i bëja keq atyre që dua”.- është shprehur Jordyn.
Tashmë, jeta për të vazhdon normalisht, madje ajo na ka prezantuar me partnerin e ri në Instagram.
