Ylli i muzikës pop, Madonna, duket se nuk e ka përjetuar aspak mirë situatën e Covid-19.
Personat pranë saj janë prekur nga virusi vdekjeprurës, madje për shkak të komplikacioneve, 3 persona të afërt për të kanë humbur jetën.
Covid-19 i ka marrë jetën kushëririt të këngëtares, vëllait të rojes së saj të sigurisë dhe muzikantit Orlando Puerta, i cili punoi në shumë prej këngëve të saj.
E shkatërruar nga kjo situatë, Madonna e ka ndarë dhimbjen e saj me ndjekësit në Instagram, ku ka publikuar një video-mesazh.
“Nuk kemi gjithmonë ditë të mira. Nuk kam fjetur fare mbrëmë dhe sot kam qenë e dërrmuar.Kam nevojë të dal nga trupi im”- shprehet ndër të tjera këngëtarja, e cila shfaqet duke shkruar ditarin e karantinës së saj.
Deri tani, në rang botëror koronavirusi i ka marrë jetën 103,506 personave, si dhe ka infektuar 1,710,148 të tjerë.
