Qetësor Ferrunaj ka ndarë për herë të parë publikisht një nga historitë më të dhimbshme të fëmijërisë së tij. Ish-fituesi i “Big Brother Albania”, teksa fliste në “ABC e Mëngjesit” për familjen dhe vitet e fëmijërisë në Dukat të Vlorës, deklaroi se është abuzuar që në moshën 5-vjeçare.
Sipas rrëfimit të tij, personat që abuzonin me të ushtronin presion që ai të heshtte, duke e kërcënuar edhe me jetën e motrës nëse do të tregonte atë që po ndodhte.
Ferrunaj shpjegoi se kjo është hera e parë që vendos ta ndajë publikisht historinë, pasi i janë dashur vite për të punuar me veten dhe për të gjetur forcën për të folur për traumën e përjetuar.
Sot, kur fëmijët e tij janë rritur, ai tha se shpreson që rrëfimi i tij të shërbejë edhe si një mesazh për personat që kanë kaluar përvoja të ngjashme, që të gjejnë kurajën të përballen me traumën dhe, kur munden, të denoncojnë atë që u ka ndodhur.
Rrëfimi i tij shkaktoi reagime të forta edhe në studio.
