Bregdeti i Sarandës mbetet një vend tërheqës për turistët jo vetëm gjatë stinës së verës, por edhe gjatë dimrit. Gjatë ditës së sotme ajo është vizituar nga një prej jahteve të cilësuara si më të bukurit dhe më të mëdhenjtë në botë “Perla e Zezë” (“Black Pearl”). Në fakt ky emër mund t’ju vijë i dëgjuar pikërisht nga anija që quhej njësoj në filmin “Piratët e Karaibeve” (“Pirates of the Caribbean”).
Ky jaht lundroi për herë të parë në 2016-n dhe sipas informacioneve në internet është 106.7 metra e gjatë.
Ai zë një hapësirë lundrimi prej 2900 metra katrorë dhe i gjithë trupi i tij është prej çeliku, struktura e sipërme prej alumini dhe dyshemeja nga fibrat e karbonit.
Jahti mësohet se vinte nga Qipro për turizëm, si dhe për furnizim me karburant, nisur nga çmimet e ulëta.
Mjeti lundrues, i cili ka 6 kabina, është prodhuar për biznesmenin rus Oleg Burlakov dhe për herë të parë doli në det në Roterdam të Holandës.
Shifra e përllogaritur për ndërtimin e këtij mjeti kap vlerën e 200 milionë dollarëve.
