Jada Pinkett Smith u shpreh mbi marrëdhënien mes bashkëshortit Will Smith dhe Chris Rock, dy muaj pasi Will e goditi në fytyrë komedianin në ceremoninë e “Oscars 2022”.
Në fillim të “Red Table Talk”, Jada tha para kamerave- “Rreth natës së Oskarit, shpresa ime më e madhe është që këta dy burra inteligjentë dhe të aftë të kenë një mundësi për t’u shëruar, për të folur dhe për t’u pajtuar. Me gjendjen e botës sot, ne kemi nevojë për të dyja, dhe ne të gjithë kemi nevojë për njëri-tjetrin më shumë se kurrë”.
“Deri atëherë, Will dhe unë do të vazhdojmë të bëjmë atë që kemi bërë për 28 vitet e fundit, dhe kjo është të vazhdojmë të kuptojmë këtë gjë të quajtur jetë së bashku. Faleminderit që më dëgjuat”- përfundoi Jada.
Episodi eksploroi gjithashtu historitë e njerëzve për të jetuar me alopecia, një gjendje me të cilën Jada ka luftuar hapur. Në natën e Oscars, Rock bëri shaka për kokën e Jadës, gjë që bëri që Will të dilte në skenë dhe të godiste komedianin. Will, u ndalua nga ceremonitë e ardhshme dhe ngjarjet e lidhura me to për 10 vjet nga Akademia. Që nga incidenti, Will, i cili fitoi aktorin më të mirë për interpretimin e tij në filmin “King Richard”, i ka kërkuar falje publike Rock-ut, duke thënë se ai “reagoi emocionalisht” sepse “shakaja për gjendjen mjekësore të Jada ishte e tepërt për mua”.
Will Smith gjithashtu dha dorëheqjen nga Akademia dhe më pas udhëtoi në Indi për të praktikuar joga dhe meditim pas gjithë kësaj.
