Qerpikët e gjatë dhe voluminozë janë ëndrra e çdo vajze . Fatkeqësisht, jo të gjitha në kemi lindur me qerpikë të gjatë natyralë. Kjo është arsyeja, për të cilën përdorim rimel ose aplikojmë qerpikë falsë. Por fatmirësisht ekzistojnë disa mënyra për të pasur qerpikë natyralë.
Vaj ullirit
Për të pasur qerpikë të dendur dhe të shëndetshëm, duhet të përfshini në përditshmërinë tuaj aplikimin e vajit të ullirit . Asnjë produkt nuk ndihmon në përkujdesjen e qerpikëve sesa vaji i pastër dhe i virgjër i ullirit. Përbërësit e tij, si vitamina E dhe acidet yndyrore, arrijnë të heqin gjithçka që mund të ndotë rrënjët e ndërsa i hidraton ato duke ndihmuar në procesin e tyre të rritjes. E vetmja gjë që duhet të bëni është të vendosni pak vaj ulliri në një pjesë pambuku dhe të masazhoni qerpikët çdo natë para gjumit. Në mëngjes kur të zgjoheni, fshijeni vajin nga qerpikët dhe nisni rutinën për kujdesin e fytyrës.
Vaji i vitaminës E
Vaji i vitaminës E është i dobishëm për disa gjëra : është i shkëlqyeshëm për lëkurën tuaj, flokët dhe madje edhe qerpikët! Provoni të përzieni vajin e vitaminës E me vajin e kastorit dhe vajin e kokosit për të krijuar një serum qerpikësh të cilin mund ta bëni lehtësisht në shtëpi. Kombinimi do t’i mbajë qerpikët tuaj të fortë dhe të shëndetshëm.
Vaj kokosit
Vaji i kokosit është një vaj me shumë efekte, ai është i shkëlqyeshëm për hidratimin e qerpikëve tuaj. Fërkojini qerpikët butësisht me vaj kokosi dhe rezultati do t’iu habisë. Qerpikët tuaj do të zbuten dhe do të rriten më lehtë..
