Një shkrim së fundmi ka vendosur në qendër të tij fashionistan Armina Mevlani. Ajo është tashmë një person që ndiqet nga shumë të reja shqiptare për stilin e saj të paraqitjes e jo vetëm.
Në shkrim kujtohen fotot kur Armina shfaqet shtatë vite më parë, në 2009-n, në kohën kur përfaqësoi Shqipërinë në kompeticionin e bukurisë “Miss Bota” në Johannesburg të Afrikës së Jugut.
Ajo për të cilën është sulmuar Armina është fakti që nga 112 pjesëmarrëse, u rendit e 109-ta, ndërsa shkak për këtë gazetari Blendi Mane vë faktin që ende nuk ka qenë e lidhur me djalin e ish-kryeministrit, Shkëlzen Berisha.
Ndërsa tregohet jeta para dhe pas lidhjes publike me djalin e politikanit, mund të marrim anën pozitive të situatës së saj. Ndërsa shohim foto, prej të cilave kanë kaluar shtatë vite, mund të dallojmë se Armina nuk i është nënshtruar asnjë ndërhyrje plastike, pavarësisht ndryshimit të gjendjes financiare. Apo nuk ka pësuar asnjë ndryshim drastik nga mosha, me të cilën shpesh justifikohen celebrities shqiptare.
Armina tregon shpesh se pavarësisht se është një “businesswoman”, pjesë të gardërobës së saj janë edhe veshje të makarave që përdoren nga të gjithë të rinjtë e sotëm, pasi kanë kosto të përballueshme. Në intervistat e saj, ndër të cilat kujtojmë atë për “Iconstyle” ku foli për disa nga kujtimet e kthyera në tatuazhe, ajo është treguar gjithmonë e hapur dhe njihet si një personazh i thjeshtë, për nga mënyra e të konceptuarit të jetës.
*Shfleto galerinë
Burimi: Iconstyle
