Edhe pse nuk ndodhej në Madison Square Garden në Nju-Jork për të ndjekur ceremoninë e MTV Video Music Awards, sërish Taylor Swift doli në qendër të vëmendjes për mediat!
Calvin Harris foli me shpërfillje ndaj ish-të dashurës së tij Taylor Swift, ndërsa pranoi çmimin “Videoja më e mirë nga një mashkull” për këngën “This Is What You Came”. Swift e krijoi këngën bashkë me Harris gjatë marrëdhënies së tyre 15-mujore. Gjithsesi Dj-i skocez nuk e përmendi gjatë fjalimit të tij të falënderimeve.
Ai nuk mundi të ishte i pranishëm për shkak të koncerteve, por në klipin e falënderimit as që e përmendi bashkë-krijuesen e këngës së tij fituese.
Por nuk harroi të falënderonte Rihanna-n që këndoi “This is What You Came For”.
“Kisha një koncert në Britani, përndryshe do të kisha qenë patjetër aty. Falënderoj Rihanna-n nga zemra. Je një super yll!”, tha Calvin. Kënga u publikua në prill, kur një muaj më vonë, Calvin dhe Taylor i dhanë fund marrëdhënies. Ndërsa në korrik u zbulua se Taylor është bashkë-krijuese e këngës.
Calvin thuhet se ka nisur një romancë me këngëtaren Tinashe.
Burimi: Daily Mail
